Texts rumauntschs dad Attilio Bivetti e films dal Portel da medias AV dal Grischun

Venderdi, ils 7 december, 17.00 h, Pavillon Chesa Fonio, Sils/Segl Maria

Sfundrer i’ls temps vegls tres pled e purtret: Quist es il böt da l’occurrenza organiseda da la societed per la perscrutaziun da la cultura grischuna e da sieu post exteriur a Segl.
Attilio Bivetti prelegia in puter our da sia ultima publicaziun “Da temp vegl”. Scu cha disch già il titul, ho l’autur tschernieu ün fuonz istoric per sieus raquints, nempe la vita a Segl e d’intuorns i’l 19evel tschientiner. Dimena imprendan las lecturas ed ils lectuors aspets interessants dal minchadi cò in val, per exaimpel davart la lavur da rasger our dal lej da Segl dschiet blöchs da glatsch, cun quêls ils prüms hotels in vschinauncha pudaivan tgnair a fras-ch mangiativas delicatas per ils nöbels giasts.

Dal minchadi in Engiadin’Ota, ma eir da sport e vacanzas da pü bod as tratta que eir i’ls films da Andreas Pedrett (1892 –1977), Werner Stauffacher (1903 –1947), Simon Rähmi (1897 –1959), Arthur Stoll (1887 –1971), chi inquedran la prelecziun. In ram d’ün proget chantunel ho la biblioteca chantunela dal Grischun registro e digitaliso traunter 2013 e 2016 in ün archiv cumünaivel millis da films e documaints sonors chi staun in relaziun cul chantun. Bgers da quists s-chazis geschan illa biblioteca da documentaziun a San Murezzan e i’l archiv culturel Engiadin’Ota a Samedan. Christian Brassel da la biblioteca chantunela dal Grischun preschainta il proget e muossa sequenzas da films poch cuntschaints respectivmaing rendieus accessibels d’incuort, chi haun Segl scu center geografic.

Entreda gratuita.

Deutsche Version

Flyer

zurück