Bancas da datas

L'Institut per la perscrutaziun da la cultura grischuna posseda in'atgna plattafurma online che serva a la publicaziun da materials e documents da perscrutaziun supplementars. Ella è vegnida creada en collavuraziun cun l'Institut svizzer per scienzas d'infurmaziun (SII) da la Scola auta spezialisada dal Grischun. Las datotecas da text e maletg èn accessiblas cun ina retschertga da text integrala. 

Tar la banca da datas ATOM

Deposit da datas Handbuch Bündner Geschichte

Deposit da datas Kulturwandel in Graubünden

Deposit da datas Wasserrechtskonzessionen Albigna und Maira

Deposit da datas dissertaziun Noemi Adam-Graf (suanda)

Insaquants temas che stattan en connex cun la plurilinguitad en il Grischun èn vegnids elavurads scientificamain. Per auters temas mauncan anc las analisas actualas. En mintga cas dovri ulteriuras infurmaziuns e discussiuns. La Scola auta da pedagogica dal Grischun (PHGR) e l'Institut per la perscrutaziun da la cultura grischuna examineschan la plurilinguitad grischuna en sias diversas dimensiuns e mettan en discussiun divers temas cun ils meds digitals d'ozendi sin ina plattafurma d'internet:
pluriling-gr.ch

Ediziuns pli veglias dal Bünderisches Monatsblatt e dal Bündner Monatsblatt sco er ulteriuras publicaziuns da noss intitut èn accessiblas sco scans sut l'URL: www.e-periodica.ch.

L'Institut per la perscrutaziun da la cultura grischuna maina ensemen cun la Scola auta da pedagogia dal Grischun in project da perscrutaziun ed ediziun en il qual las ovras inedidas da cumponistAs grischunAs vegnan dattas liber a la publicitad. La finamira è d'elavurar ils manuscrits da notas uschia ch'els pon vegnir duvrads en scolas, chors e furmaziuns da tuttas sorts. Las notas vegnan publitgadas sin la pagina d'internet: Edition Bündner Komponisten

En il relasch da l'etnolog Alfons Maissen (1905–2003) sa chatta ina rimnada da radund 1500 chanzuns tradiziunalas rumantschas en tut ils idioms. Ella è in unicat e da valur istoric-culturala. Las chanzuns èn vegnidas registradas tranter ils onns 1930 e 1960 sin incumbensa da la Societad Svizra per las Tradiziuns Popularas (SGV). Il material pli vegl sa chatta sin 100 plattas da schelatina, las registraziuns pli giuvnas sin 138 bindels magnetics. Sco supplement ha Maissen mess ensemen fegls da notas ed ha scrit explicaziuns. Cun excepziun d'insaquantas chanzuns exemplaricas ch'èn vegnidas emessas dal radio è il material da tun restà inedì durant la vita da Maissen. En in project da l'icg (2006–2010) ha il musicist e magister da musica Iso Albin elavurà tut il material musical or dal relasch a moda accurata. Dapi l'atun 2011 è la banca da datas digitala cun 5800 registraziuns e 2200 fegls da notas e texts accessibla a la publicitad. Il download è pussaivel tar las plazzas da tadlar da la Fonoteca Nazionale Svizzera (en il Grischun: tar la Biblioteca chantunala a Cuira). Ils documents pon ins retschertgar online: Datenbank Volksliedsammlung Maissen.