Profil

L’institut per la perscrutaziun da la cultura grischuna (icg) è in’instituziun da perscrutaziun independenta domiciliada a Cuira. El fa e promova perscrutaziuns en las scienzas umanas, socialas e culturalas che han ina relaziun generala cun il spazi alpin, ed en spezial cun il Grischun e sias regiuns vischinas.

L’onn 1990 ha la Societad per la perscrutaziun da la cultura grischuna avert in biro ed in post da perscrutaziun a Cuira. Quai è stà il cumenzament da l’institut. In’organisaziun creschenta e manada professiunalmain sut la direcziun da Georg Jäger è sa sviluppada en il decurs dals onns 1990. L’onn 2002 è questa organisaziun daventada in institut independent.

Per ses vast champ d’activitad che cumpiglia disciplinas sco l’istorgia, l’etnologia, la linguistica, l’istorgia d’art, l’archeologia u l’etnologia musicala dovra l’institut la noziun collectiva «perscrutaziun da la cultura». Ils projects scientifics vegnan realisads tenor standards universitars.

L’institut vegn purtà da la Fundaziun per la perscrutaziun da la cultura grischuna, ch’è vegnida fundada l’onn 2007. Las lavurs da project, las occurrenzas e l’infrastructura da l’institut vegnan finanziadas cun subsidis dal maun public dal Chantun e da la Confederaziun, cun contribuziuns da terzas persunas e cun meds da la fundaziun purtadra.

La sedia principala da l’institut sa chatta a Cuira. A Segl en l’Engiadina ha l’institut in post exteriur (kulturforschung-sils.ch).

Dapi l’onn 2008 è l’institut commember da l‘Academia Raetica. L’organisaziun da tetg per la perscrutaziun e la scienza universitara en il Grischun cumpiglia 20 instituziuns scientificas ch’èn activas en las disciplinas medicinalas e tecnicas sco er en las disciplinas da las scienzas natiralas, umanas e socialas.

Um unsere Website für Sie optimal zu gestalten und fortlaufend verbessern zu können, verwenden wir Cookies. Durch die weitere Nutzung der Website stimmen Sie der Verwendung von Cookies zu.

Weitere Informationen zu Cookies erhalten Sie in unserer Datenschutzerklärung.

Ausblenden