Profil

La finamira e l'intent da la societad ch'è vegnida fundada l'onn 1986 èn la promoziun e l'intermediaziun da lavurs scientificas davart las culturas grischunas. Registradas sco commembras èn persunas privatas, vischnancas, uniuns, instituziuns ed interpresas. Actualmain ha la societad radund 640 commembras. La societad è in'instituziun d'utilitad publica e politicamain sco confessiunalmain neutrala. 

Paucs onns suenter la fundaziun ha la societad avert in post d'administraziun e da perscrutaziun a la Reichsgasse 10 a Cuira. En il decurs dals onns 1990 è quel post s'engrondì ed ha survegnì da la Confederaziun il status d'in'instituziun da perscrutaziun d'impurtanza naziunala. L'onn 2002 è naschì l'Institut per la perscrutaziun da la cultura grischuna sco agen institut. Malgrà l'excorporaziun dal sectur da perscrutaziun èn ils contacts tranter la societad e l'institut restads stretgs, saja quai sin livel da cuntegn, persunal u organisatoric.

Statutas