Cussegl da perscrutaziun

Ils projects da l'institut èn orientads als interess da la regiun da perscrutaziun, duain dentant er avair in'impurtanza surregiunala e naziunala. La collavuraziun cun diversas scolas autas è perquai da gronda muntada per la qualitad scientifica da las lavurs. 

L'expertisa professiunala e l'accumpagnament (parzialmain) dals singuls projects vegnan garantids dal cussegl da perscrutaziun. El consista da docentas e docents d'universitads svizras. Ils commembers represchentan in vast spectrum da roms. Els èn persunas da contact tar ils instituts da las scolas autas e tar las instituziuns naziunalas per la promoziun da la perscrutaziun.