Servetschs

La Societad per la perscrutaziun da la cultura grischuna s'engascha per l'intermediaziun dals resultats da perscrutaziun e per l'integraziun da persunas interessadas en la discussiun davart las dumondas da perscrutaziun actualas. Quai succeda en furma da podiums, referats, excursiuns, exposiziuns e dietas en tut las regiuns.

Ils commembers da la societad survegnan mintgamai il mars il quadern stampà «Mitteilungen» gratuitamain e per posta. In newsletter electronic infurmescha regularmain davart occurenzas actualas e novas publicaziuns. Il «Bündner Monatsblatt», la revista tradiziunala per l'istorgia, la geografia naziunala e la cultura da construcziun en il Grischun, pon els abunnar per in pretsch reducì. Mintg'onn vegn purschida in'excursiun d'in u dus dis per in pretsch favuraivel. L'institut serva als commembers sco post d'infurmaziun e sco rait sociala. El stat avert per infurmaziuns e cussegls istoric-culturals. Sin dumonda dastga era vegnir duvrada la biblioteca da consultaziun a la Reichsgasse 10 a Cuira.

Um unsere Website für Sie optimal zu gestalten und fortlaufend verbessern zu können, verwenden wir Cookies. Durch die weitere Nutzung der Website stimmen Sie der Verwendung von Cookies zu.

Weitere Informationen zu Cookies erhalten Sie in unserer Datenschutzerklärung.

Ausblenden