Institut a Segl

L'Institut per la perscrutaziun da la cultura grischuna posseda a Segl en Engiadin'Ota in post extern che sa concentrescha surtut sin l'intermediaziun da savida e sin la tgira da contacts en la regiun. Dus collavuraturs scientifics stabels, Mirella Carbone e Joachim Jung, organiseschan regularmain occurenzas cun referats, aperos scientifics (discurs da podium tranter experts cun integraziun da l'auditori) e dietas.

Ina da las finamiras prioritaras dal post extern è la tgira intensiva da contacts sur ils cunfins regiunals e linguistics anora. Il post extern a Segl è (er) ina centrala tranter l'Engiadina tudestga e rumantscha, tranter l'Engiadina e las vals dal Grischun dal Sid talianas (Bregaglia e Poschiavo), sco era tranter las regiuns da cunfin dal Grischun e da la Valtellina respectivamain da la Lumbardia. Ina collavuraziun stretga e per part instituziunalisada datti cun la Fondazione Garbald a Castasegna, la Laudinella Kultur, il Forum Engadin e cun numerus auters organisaturs da cultura en la regiun.

Institut für Kulturforschung Graubünden
Aussenstelle Sils/Segl
Dr. Mirella Carbone & Joachim Jung
Via da Marias 110
7514 Sils/Segl
Tel.: 081 826 52 24
e-Mail: Institut für Kulturforschung Sils/Segl

Um unsere Website für Sie optimal zu gestalten und fortlaufend verbessern zu können, verwenden wir Cookies. Durch die weitere Nutzung der Website stimmen Sie der Verwendung von Cookies zu.

Weitere Informationen zu Cookies erhalten Sie in unserer Datenschutzerklärung.

Ausblenden